[b]موضوع قرأته واعجبني اذا تبي تضحك وبنفس الوقت تتعرف على الحقيقة[/b]

السلام عليكم ورحمة الله وبركاته
طبعا جاني بريد على الايميل بتاعي وحبيت اجيبه ليكم عشان تقروه

يقولكم / واحد
عنده موضوع والله انه يا جماعه فاقع مرارته من يوم عرف إنه معه مراره,, مضيق صدره من يوم عرف إنه معه صدر وفي نفس اللحظه لاحس مخه من يوم عرف إنه معه مخ..!!
ويقول : يبغى يطرحه قدام حضراتكم ,, وأنتم براحتكم .

العبايات ,,, عباية المرأة ,, وآآه يا أخواني من سالفة المرأة وعبايتها لأن موضوعها ذو شجووون والمثل يقول:
الشجووون ملعوووون
طبعا هالكلام يصير عندنا بالسعوديه..

من جد يا جماعة الخير ,, هل اللي حاصل حالياَ في الأسواق والعروس والشوارع .. اسمه عبايات ؟ ويسمى ستر وحشيمه ؟

سؤال أطرحه لكم ياحضرات القضاه والساده المستشارين وأبي منكم إجابه ..

هوا كـ شاب أعزب أشعث أغبر ما قد شاف الا شغالتنا .. فجأة تشطفه في الشارع بنت عليها عباية أضيق من ثوبه !!!!! وش موقفه ؟ أكيد بيعض الأرض ويتمتم قائلا : ألعن أبو الصيده يا شيخ

هوا كـ شاب يفكر كثيرا في اللايليق بهذا المنتدى الآخر ولا قد شافه .. يجي السوق ويلقى ثلاث بنات مروا من جنبه عليهم اسم طرحه والأكمام كأنها كراسيدا باكستاني أنواع الزخارف ,, وش ترجون منه ؟ أكيد ابليس بيدق عليه بيجر ويقول: وراهم يا مال السيل

هووا كـ مواطن متحمس و له حق العيش في هذا الوجود المنتعش ,, يروح المستشفى يبغى يعالج راسه من الصداع ,,

ثم تصادفه في ممر المستشفى فتاة عليها لثمه كأنها ناوية تسرق وعيونها كحل في كحل وش يسوي ؟

أكيد راح يزيد صداعه ويرجع من المستشفى مصدع ألعن من قبل والبركه في عباية بنت الأجواد

لا والمشكله ,, تلقى البنت شينه وشيفه وكأن وجهها قوطي داعسه وايت وهذا الأكيد بس بالعبايه قسم بالله ماتقوم معها الممثله اللي ما أدري وش إسمها..

شغالتهم مثلا .. اسمها ( راني ) << حبيبات وفي الليل يتجنب رؤيتها لأنها تذكره بسوالف الجن الله

بس لو تتلثم قسم بالله لا يصور معها فديو كليب

يعني شفتوا كيف ان العبايات والبراقع قد إيش ملاعين خيـّـرررر ؟

دايم يسأل نفسه وهووا من النوع اللي أحيانا في العصريه يجيب ترمس شاهي ومكسرات ويتقهوا هو ونفسه ويدردش

بس الغريب ان نفسه من النوع الحياوي . تصدقون ماقد قالت له ولا مرة: صب لي شاهي

قبل فترة كان جالس مع نفسه وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اخوانا اللي في الهيئة أو شااابين علينا بس يا الشباب ؟ وينهم عن عبايات هالغزلان ؟

المشكله أن نفسه ما ترد لأنها مو لاقيه اجابه ..

سأل نفسه ثاني مرة : اعنبوا بليس هذولي ما وراهم أهل يقولون: هالعبايه عيييييييييييييب حراام !!

للمرة الثانيه تلتزم نفسه السكوت ولا ترد ,,

سأل نفسه ولثالث مرة : طيب وين الحمية ؟ وين أخوانهم الكبار عنهم ؟ أو بس جيدين في تحويم الحمام في السطوح؟

وللمرة الثالثه مارس نفسه السكوت وعطته بالخامس !

سألها لرابع مرة : طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم وتحرش هالمراهقين اللي هووا ماله دخل فيهم ؟

كالعاده لم ترد عليه نفسه للمرة الرابعه وحقرته !!!

عصب هووا ,, طنقر ,, وهووا من النوع اللي إذا عصب على طول يحمق !! قال :

مو معقوله يانفسه .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح . ردي يابقرة

وفجأة .. وبدون مقدمات . وسدد له ذاك الكف ومحطت فيني بالارض ثم انفجرت تصارخ عليه تقول:

(( يااخي أزعجتني ياخي من يوم مابلغت الا الحين وانت مزعجني بهالاسئله

نعنبوا إبليسك سنين وانت شغال تجلدني بأسألتك لابوك لابو مخك لابو هالعبايات والبنات اللي تقول

ياابن الذين آمنوا شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..

ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني .,,

لاعاد تتمشى بسيارتك ولا عاد تروح دوامك ولاعاد تطب الاسواق وكل تبن وامسك ارضك

مرت خمس دقائق وهووا فاقد الوعي وخايف من نفسه وقعد يفكر في كلامها وبالذات كلمة :

هذا زمان البنت مو زمان الولد .. انت اللي تستحي وهي لا..

قام والتفت عليها وحب راسها وقالها

سامحيني والله انك صادقه ابشري من اليوم ورايح ما فيه طلعه ووالله صدقتي في كل كلمه ,,

ضحكت وقالت له : هههههههههه أعترف صح جلدتك ؟ صح أنا أخوف لما أكون عصبيه ؟

قال: لا وفوق هذا والله انك حكيمه بعد .. الله لايحرمني منك ..

قالت : ولا يحرمني منك بعد أنت يا بعد روح روحي ..

قرب منها وقربت منه .. وصار مشهد رومنسي قطعه وزير الإعلام مو هووا..

السؤال : هل تتفقون مع ما قالته نفسه الحكيمه ؟ أم هل ترون انه بالغ وشطح قليلا

ولو الواحد منكم يا الحبايب شاف عباية أخته مخصره ومزخرفه كأنها هوندا حقت خال .. وش موقفه . يرضى ؟

وإذا - لا قدر الله - وحصل ما لايحمد عقباه وتحرش في البنت أي شاب مفتووون ,,

ليش اللوم والحكي كله على الشاب والبنت طالعه منها براءة ؟ ليش ؟ ليش؟ (( وجه واحد منهار في المحكمه ويقول: اغيثونا ))

اسئل نفسك هالاسئله
واللي بيجاوب ..يجاوب ,, واللي مهوب يجاوب لا يجاوب ., والمثل يقول: اللي على راسه بطحاء ابن أمه يواسيها

بصراحه ان اشهد انه صادق في كل كلمه قالها ...
والسلام عليكم

بارك الله فبك على ماطرحت وما نقلت لنا لاعدمناك